Det internasjonale MC-treffet har deltakarar frå heile 12 europeiske land. Dei som har reist lengst for å få vere med er dei fem deltakarane frå Spania. Dei har lagt bak seg ei strekning på over 350 mil, for å kome hit til Stordal.
Trass i at det framleis er gråver og regn i lufta, ser dette ikkje ut til å sette sitt preg på arrangementet. Stemninga blant deltakarane er særs god og tilbakmeldingane tyder på at dei er godt nøgde med opphaldet så langt.
I dag går dagsturen til Geiranger og til kvelden vert det sosialt samvær ved Stordalshallen. I morgon vert truleg endå fleire med på utflukt til Ålesund, i og med at vermeldingane er langt betre enn dei har vore i det siste.
På laurdagskvelden skal det vere hyggeleg samankomst for alle deltakarane i grendasalen med levande musikk og diverse program.
I år er det internasjonale Venture-treffet altså lagt til Stordalshallen, noko vi sjølvsagt er stolte av. Neste års treff skal vere i Almeria i Spania. Våre spanske gjestar kunne syne fram detaljar og bestemmelsesstad for treffet. Sjå fleire bilder frå treffet i vårt bildegalleri.
Heimesida til Ventureclub of Norway finn du ved å fylje linken nederst.