Fotograf: Hallgeir Hove
Liten tvil om at det er gøy å danse! fotograf Hallgeir Hove
Fotograf: Hallgeir Hove
Ein del av den eldste gruppa i aksjon ute på parketten fotograf Hallgeir Hove
Fotograf: Hallgeir Hove
Borna viste fram mange ulike former for dans og imponerte stort fotograf Hallgeir Hove
Fotograf: Hallgeir Hove
Grendasalen vart akkurat stor nok i går kveld og då skjønar ein sikkert kor intimt og flott dette vart fotograf Hallgeir Hove
Fotograf: Hallgeir Hove
Mot slutten fekk vi også oppleve dei to proffe dansarane på dansegolvet. Ja, det var imponerande flott! fotograf Hallgeir Hove

Danseskolen avslutta med supert Danseball!

Det vart både stilfullt og kjekt i grendasalen i går kveld, når Danseskolen i Ålesund inviterte til Danseball. Ballet var ei avslutning på kurset Danseskolen har køyrd over 11 veker, denne hausten. Dei 30 deltakarane fekk dermed høve til å få vise fram mykje av det dei hadde lært og truleg var det godt over 100 små og store på plass for å få med seg det heile. Det var topp stemning, der både deltakarar og publikum storkosa seg. 

Publisert av Hallgeir Hove. Sist endret 28.11.2014

Det er Jan-Eric Fransson, som har vore instruktør for dei dyktige unge dansarane desse 11 vekene og det er liten tvil i at han har gjort ein flott jobb. I tillegg til å lære mykje innan dans, har dei 30 deltakarane også hatt det supert desse øktene i lag med Jan-Eric.

Når det no var klart for avslutningsfest, kva var då meir naturleg enn å invitere til stort Danseball? Og for eit ball det vart! Grendasalen var stapp full og vi fekk verkeleg sjå kor flinke deltakarane hadde blitt. Ingrid Beate Thompson, som driv skolen i lag med Jan-Eric, var sjølvsagt også på plass i går kveld og då både som konferansier og meire til. Danseskolen varta også opp med sal av kaffe og kaker og som avrunding på det heile vart det også oppvisningsdans frå dei to dyktige dansarane, m.a. kjend frå "Skal vi danse?"

Når vi ser på kor mykje dette kurset har betydd for deltakarane, og gjerne også kor supert vi hadde det i går kveld, er det all grunn til å gle seg over at det let seg gjere å få til dette dansekurset her i Stordal. Vi var i utgangspunktet klar over at det ville bli utfordrande å få med mange nok, nettopp fordi det er så veldig mykje anna som skjer, men heldigvis lukkast ein med det. Når kursbolken denne hausten no er over og vi også har fått vore med på ei forrykande avslunting på det heile, føler vi oss rimeleg trygg på at deltakinga vil bli endå større neste gong Danseskolen i Ålesund inviterer til kurs her. For dette folkens, det var veldig, veldig bra!  

Les gjerne våre tidlegare reportasjar for meir om dansekurset denne hausten.

Sjå gjerne mange fleire bilder frå det supre Danseballet i går kveld, på Stordalshallen si facebook-side.

Vi nyttar høve til å takke Danseskolen i Ålesund for at dei valgte å legge opp til dansekurs her i Stordal denne hausten og takk også for ei super oppleving i går kveld!

   

Søk

Kontaktinformasjon

Stordalshallen
Stordalsvegen 671 (besøksadresse) Kommunehuset (postadresse)
6250 Stordal
E-post : hallgeir.hove@stordal.kommune.no
Telefon
: 70279123

Mobil
: 90949358
Levert av ACOS AS
Nettredaktør Hallgeir Hove